ХААНА ГУЛГАХ УУ?

Анги хамт олноороо коньки буюу тэшүүрээр гулгаж үзээгүй хүүхэд гэж байхгүй бизээ. Өвлийн улиралд гадуур хийх зүйл тун ховор байдаг ч бүх насныханд хамгийн тохиромжтой зүйл бол тэшүүрээр гулгах байдаг. Өмнө нь зөвхөн өвлийн зугаа байсан бол сүүлийн жилүүдэд спортын хэмжээнд бэлтгэлийг жилийн 4 улирал хийх боломжтой дотор орчинд тэшүүрээр гулгах талбай ч нэмэгдсэн билээ. Харин бид Улаанбаатар хотын хаана дотор болон гадаа тэшүүрээр гулгах боломжтой газруудыг танилцуулж байна.

City of Nomads – Улаанбаатар хотын албан ёсны дижитал хөтөч

120 Мөсөн гулгуурын талбай 

120-ын мөсөн гулгуурын талбай нь Гэгээнтэн цогцолборын зүүн хойд талд Олимпын хорооны хашаан дотор бейсболлын талбай дээр ажилладаг. 10 буюу түүнээс дээш хамт ирсэн хүмүүст 20 минутын урамшуулал өгдөг. Дарааллаад 3 цаг авбал 1 цаг үнэгүй.
Өдөр бүр 11:00-23:00 хүртэл ажилладаг.
Үнэ: 5000₮, бага насны хүүхэд 3000₮ (34с доош размер)
Хувийн тэшүүртэй бол 2 цаг нь : 5000₮
Утас: 88109708, 88107591, 88061163

Ice Arena – Төв Цэнгэлдэх Хүрээлэн

Төв Цэнгэлдэх Хүрээлэнгийн том талбайд тэшүүрээр гулгана гээд боддоо. Ice Arena нь нээлтээ хийгээд удаагүй бөгөөд та тус талбай дээр эрх дураараа дүүлэн нисэх мэт гулгаарай.
Өдөр бүр 11:00-00:00 цагийн хооронд ажиллана.
Үнэ: 1 цаг нь 8000₮
Утас: 88076686

Мөсөн гулгуурын талбай – Жуков 

Нийслэл хотын 13, жуков, сансар ойр хавийн иргэдийн эчнээ танил мөсөн гулгуурын талбай нь Американ дэнж хотхоны зүүн урд байрладаг.
Өдөр бүр 12:00 – 22:00 цагийн хооронд ажиллана.
Үнэ: 5000₮, хэрвээ хувийн тэшүүртэй бол цаг хязгааргүй 5000₮

6-р сургууль коток

Нарны гүүрний зүүн хойно байран дунд 6-р сургуулийн мөсөн гулгуурын талбай өдөр бүр ажиллаж байна.
Өдөр бүр 10:00-22:00 цагийн хооронд ажиллана.
Үнэ: 4000₮, хэрвээ хувийн тэшүүртэй бол цаг нь 2500₮
Утас : 88023947, 99707565

Хүннү Молл

Хүннү Молл мөсөн гулгуурын талбай нь Улаанбаатар хотын анхны 4 улирлын мөсөн гулгуурын талбай гэдгээрээ онцлог.
Өдөр бүр 11:00-23:00 хүртэл ажиллаж байна.

Steppe Arena

Монгол Улсын анхны олон улсын стандарт бүхий “Steppe Arena” нь улирал үл харгалзан ажиллах битүү ордон. Мөсөн Өргөө нь ашиглалтын 7800 м.кв талбайтай, үзэгчийн 2600 суудалтай, шүүгч, тамирчдын хувцас солих 5 өрөөтэй. 
Жич: 2 сард ОХУ-ын тамирчидтай хамтарсан уран гулгалтын тоглолт, 3 сард Хоккейн дэлхийн аварга шалгаруулах тэмцээн зохиогдохтой холбоотойгоор мөс шинэчлэх ажлын хүрээнд 2 сар хүртэл мөсөн гулгуурын талбай ажиллахгүй.

Чингэлтэй дүүргийн Биеийн тамир, спорт хороо

Чингэлтэй дүүргийн 1000 хүний суудалтай спорт комплекс нь жилийн 4 улиралд тасралтгүй үйл ажиллагаа явуулах мөсөн гулгуур, хоккейн талбай бүхий байгууламж юм. Эх орноо төлөөлж тэмцээн уралдаанд явдаг тамирчид бэлтгэлээ хангахаас гадна энгийн иргэд ч чөлөөт цагаа өнгөрүүлэх боломжтой шинэ орчин юм.

Чөлөөт гулгалт өдөр бүр 08:00-18:00 цаг хүртэл ажиллана.
Үнэ: Том хүн 10,000₮, хүүхэд 5,000₮
Утас: 77773113

Leave a Reply

Your email address will not be published.

Share This

Copy Link to Clipboard

Copy