Өргөө-2 кино театр нь Өргөө кино театрын 2 дахь салбар болж 2011 оны 12-р сарын 1нд нээлтээ хийсэн. “Өргөө-2” кино театр их дээд сургуулиудын хотхонд байрладгаараа давуу талтай. Тийм ч учраас сүүлийн үеийн тоног төхөөрөмжөөр иж бүрэн тоноглогдсон тоглоомын төв, мини боулингийн талбай, спорт лоунж, караоке өрөө зэргээс гадна залуучуудад үйлчилгээ үзүүлдэг үндэсний компаниудыг нэг дор төвлөрүүлж чадсанаараа онцлогтой юм.

АНУ, Солонгос, Германы орчин үеийн техник хэрэгслээр тоноглож, дэлхийн стандартад нийцүүлсэн бөгөөд нийт 1500 метр квадрат талбайтай тус кино театр хотын төв болон зүүн хэсгийн оршин суугчид, оюутан залууст үйлчилж эхэлснээрээ олны таашаалыг хүлээгээд байна. Их хотын залуусын хүсэл, шаардлагад нийцсэн кино театр гурван танхимтай.