Монголын орчин үеийн утга зохиолыг үндэслэгчдийн нэг Монгол Улсын анхны доктор Бямбын Ринчений мэндэлсэний 100 жилийн ойд зориулан энэхүү хүрэл хөшөөг 2005 онд түүний ач хүү Б.Дэнзэн бүтээжээ.

Тэрээр 1945 онд Цогт тайж киногоороо Маршал Чойбалсангийн нэрэмжит шагналыг хүртсэн. 1956 онд “Монгол хэлнүүдийн харьцуулсан түүхэн хэлний зүй” бүтээлээрээ БНУАУ-д хэл бичгийн ухааны докторын зэрэг хамгаалжээ.

Сүхбаатар дүүргийн 1 дүгээр хорооны нутаг дэвсгэр дэх уг хөшөөг нийслэлийн Засаг даргын 2008 оны 357 дугаар захирамжаар Сүхбаатар дүүргийн хамгаалалтад авсан.