Монголын Буддын шашны төв Гандантэгчэнлин хийд нь Монголын архитектурын томоохон дурсгалын нэг юм. Анх 1809 онд Шар сүм нэртэйгээр байгуулж дараа нь Чойрын дацан болгожээ. 1824 онд Ламрим дуган, 1838 онд Тавдугаар Богд Жавзандамба хутагтад зориулж “Их хотын мандлын сүм” буюу Гандантэгчинлэн хэмээж түүний зарлигаар өнөөгийн Гандантэгчэнлин хийд байгуулагдаж байж. 1913 онд наймдугаар Богд Жавзандамба хутагтад зориулж Мэгжид Жанрайсэг сүмийг байгуулсан байна. 1938 онд хийдийг хааж байсан бол 1944 онд хийд Мөргөлийн дуган нэртэйгээр дахин нээгдэж, 1996 онд Мэгжид Жанрайсиг бурхныг ард түмний хандиваар дахин бүтээж залж байжээ. 20-р зуунд Гандан нь шашин, соёлын гол төв байсан бол эдүгээ цагт өнгөрсөн болон одоо үеийг хослуулсан сонирхолтой харууцтай газар болжээ. Бидний нэрлэж заншсанаар Гандангийн ойр хавьд Гандантэгчэнлин хийд, Гэсэр сүм, Вэтүб хийд , Тасганы овоо, МҮОНРТ-ийн төв байр, ТВ-ийн антен, Maxmall, Бөмбөгөр худалдааны төв зэрэг их хотын баруун болон төвийн бүсийг холбосон байрлалтай.